للمره التانيه الاقي نفسي مضطر اكتب بعد التوضيحات بعد ما الاقي كومنت من احد الاستاذه اللي قروا احد البوستات و الاقي فيه كلام يحرق دمي و يحسسني اني كافر او زنديق
1) بقولها تاني يا جماعه انا بكتب هنا زي ما بيبقي جوايا من افكار و مش بعديها علي فلاتر زي ما ناس كتير بتعمل علشان ميتقالش عليهم حاجه و لا يتعابوا بحاجه
2) انا الحمد لله علاقتي بربنا قد تكون ضعفت بسبب الازمات و الاحباطات و الحزن و لكن لما تنقطع و مازلت قويه و موجود و محافظ علي صلاتي و جميع الفرائض و اركان الاسلام و مخرجتش من المله
3) لما سميت البوست اللي فات بيوض القدر كنت واحد الاسم من روايه مشهوره جدا بشكل تهكمي مش اكتر و ملهوش علاقه بقدر ربنا و ادي غلاف الروايه علشان اللي مش مصدق
4) رغم ان الموضوع مكنش ليه علاقه بالدين اقصد موضوع البوست قررت علشان اريح نفسي و اريح اللي بيقروا " ده لو في حد بيقرا اللي بكتبه " اني اشيل كلمه بيوض
5) نتيجه للكومنت اللي جالي فانا اتضايقت و مبقتش عارف اكتب البوست اللي كنت عايز اكتبه اليومين دول و فضلت الشحنه النفسيه السيئه موجوده جوايا لحد دلوقت
6) كل واحد بينصح و يجود و ينبه بحترم رأيه بس معلش متبقاش عامل زي الشيخ اللي قاعد في قناه بياخد ملايين و متجوز 4 ستات علي ذمته ده غير الي طلقهم قبلهم و تنصح الناس بالتقفش و الصبر و تعين نفسك بديل لرب العباد و تقول علي ده زنديق و ده فاسق و دي مش عارف ايه لان ببساطه انت متحطتش مكان حد علشان تعرف هو ايه اللي خلاه عامل بالشكل ده
7) ناخد مثال لو واحده شغاله في الدعاره كل الناس هتقول ليها تموت الحره و لا تأكل بثدييها و تشتغلي اي حاجه ولا انك تبيعي جسمك و غيره و غيره طبعا الكلام ده كله صح و دينيا صح و لا شك في اي جمله فيه لكن برضه احنا مش عارفين هو وصلت لكده استسهال و لا سعي لمال اكتر و لا لأن اترمي علي كتفها حمل كبير نتيجه عدم موجود حد يصرف عليها و علي امها المريضه مثلا و اخواتها اليتامي و ملقتش شغلانه شريفه تغطي المصاريف اللي وراه " و مش معني كده اني مؤيد اللي هي بتعمله ولا انها تبقي مومس " لكن قصد كلامي ان مش كل عاصي او مذنب او مخالف للشريعه عامل كده تجبر و تكبر علي احكام ربنا و مبسوط و سعيد انه بيعصي الله و ضارب بالدين عرض الحائط
8) انا واحد مكنتش متوقع اللي حصلي ده و كنت اول ما بدأت البلوج كل مشاكلي في اني مش عارف اتجوزت و كل صحابي اتجوزوا و اهلهم سعدوهم و بعدها بقت اني مش لاقي عروسه مناسبه و دلوقت اني بقيت مش لاقي عروسه من اساسه و غالبا مش هتجوز خالص علي اللي انا شايفه و مش لاقي حل حلال لاشباع رغباتي و احتيجاتي و مش عايز اعمل حاجه حرام و محروم من الونس و الزوجه اللي تملي حياتي و الاسره و الاولاد اللي يخلي لحياتي هدف و طعم فيا ريت كل واحد يعذرني و يعذر حالي خصوصا اني كنت ماشي علي الطريق المستقيم طول عمري و خدت افه في الاخر رغم اني اتربيت زي كل الناس ان ارضي ربنا هيعملك كل اللي انت عايزه
9) انا جديا هتوقف عن الكتابه هنا في السنه دي البلوج بقي موضه قديمه و مبقاش حتي يريحني نفسيا اني اكتب و افضفض هنا غير اني كل ما ادخل افتكر عمري اللي راح و خيبتي و ضياع املي
و اخيرا اسف علي الاطاله
يا اخي الحبيب انا والله اكتر متابع ليك بحبك ومؤمن باكتر اللي بتنشره هنا ومقتنع بيه وانا لا شيخ ولا متجوز ٤ انا عندي ٤٤ سنه ولا عندي زوجه واحده رس ولا اولاد ولا بنات ولا ام ولا وظيفه بدخل يعيشني كويس حتى وعايش في بيت ابويا لوحدي في اوضتي بين اربع حيطان لحد ما اموت باصبح كل يوم وبامسي على نفسي وطللع عين اهلى واكتر منك بكتير اووووي وزيك في كتير من اللي تاعبك مكنس لي ذنب يكون ده قدري وانا كنت استحق حياه افضل ومحدش يقنعني بالعكس ابدا بس نصيحه كان ليا وليك بلاش سكة القدر والسخرية منه ونثول كاتب روسي وزفت ده واحد كااافر مالنا وماله ؟ امتب زي مل انت عايز وطلع الشحنه اللي جواك لانك بتعرف تعبر كويس وكلامك ييخليني اعيط احيانا على نغسي وانا اسف لو زعلتك في تعليقي اللي فلت والله رديت من المحبه ليك بس
ردحذفمفيش زعل ولا حاجه بس برضه انا زي ما بقولك هو كان مجرد عنوان مش اكتر ضيف علي كده يا اخي العزيز ان متقدرش تنكر ان لو القدر ده تعبك و مخلي حياتك كلها حزن و بؤس زيي و زيك فانت هتبقي متضايق منه و مش لازم هنا اننا نخلط بين القدر و بين القادر اللي هو ربنا انت كونك غضبان من حكم معين او حياه معينه اتفرضت عليك مش معناه انك نقلت الغضب ده للي حكم الحكم ده عليك من مشاكلنا كمسلمين اننا عمالين نكتم و نخرس و نقفل بوق كل واحد ينفس عن نفسه و نتهمه بالكفر و الزندقه و ده علي مر السنين يا راجل ده الحنفيه اول ما طلعت كل علماء الدين حرموها ما عدا اتباع المذهب الحنفي لذلك اطلق عليها اهل المذاهب التانيه لقبت حنفيه كنوع من التريقه و السخريه علي اتباع المذهب اللي الحنفي اللي قالوا ان مائها طاهر و حلال
ردحذفنصيحه مني كأخ كل واحد بيقول حاجه و لا بيفتي فتوي ولا بيطلع حكم هو مجرد شخص عادي زيه زيك لا عنده وحي الهي و لا بينزل له حد من الملائكه يفوله قول كذا و كذا
الله و ذاته و صفاته كلها مقدسه و محدش يقدر يمسها الا لو كافر و كذلك القرأن و الاحاديث الصحيحه اللي ثبت صحتها بعد التحقيق بعد كده بقي اي رأي تاني يحتمل الصواب و الخطأ
في الاخر انا حابب بس اقولك انك فهمت غلط و انا الحاجه الوحيده اللي باقيه لي هي علاقتي بربنا و بحاول اني مغضبهوش علي قدر ما اقدر فثق ان عمر ما هيبقي كلامي مقصود بيه كفر و لا الحاد