بس للأسف انا نفسيا و معنويا من سيئ لأسوء
العمر بيجري بالواحد و مش عارف امسكه و اوقفه او اهدي سرعته
كلها شهرين او بقي 36 سنه و ابقي علي بعد خطوات من الكهوله و اني ابقي 40 سنه
في الفتره الي فاتت بقت الرغبه الجنسيه مسيطره عليا جدا لدرجه اني بقيت عايز اتجوز علشان اشبع غريزتي مهما كان
مبقاش فارق الولاد و الاسره و الاستقرار بس بقيت مش قادر استحمل الضغط النفسي الرهيب للأحتياج للجنس
دلوقت بدأت احس بالناس اللي الواحد بيشوفها بتجري ورا الستات و كنت بعيب عليها
دلوقت عرفت احساسهم و المهم
بحثت في الموضوع زياده و لقيت ان ممكن نلاقي رجاله متجوزه و ستات كمان في سني و محتاجين للجنس جدا رغم انهم متزوجين
كلنا نفكتر من فتره موضوع مدرب الكاراتيه اللي كان يعرف كذا ست متجوزه و بينام معاهم مع انه متجوز
اي واحد شاف الافلام دي كان يسشوف اد ايه الستات كانت مستمتعه جدا بالجنس و مبسوطه بيه بل بالعكس هي اللي رايحه له برجيلها
مكنش في مقاومه مكنش في اجبار كان بمزاجهم رغم انهم متزوجات
واضح ان عندنا خلل في العلاقات الجنسيه الزوجيه و ده اللي خلي ستات متجوزه رايحه لراجل زي ده
و واضح ان راجل زي ده مش عارف يشبع من مراته فعرف عليها فوق ال 35 واحده
الغريب برضه في موضوع ان رغبتي الجنسيه قويه جدا هو انجذابي لستات متزوجه
يعني تلاقي واحده جسمها بايظ من الجمل و الولاده بس تلاقيها لما تعدي قدامي تسبب ليا اثاره قويه جدا مش بتسسبها بنت انسه لابسه مايوه مش عارف ده خلل نفسي ولا ايه
و لا ده علشان المفروض اني في الست ده هبقي متجوز فالمفوض هيبقي شكل مراني كده فالمفروض الشكل ده هو اللي بقي بيثيرني
طيب نرجع تاني لموضوع الرغبه الجنسيه انا بقيت بلاحظ ان في ستات كتير لما تتكلم معاها و انت في مصلحه حكوميه او مكان بتعمل فيه اوراق تحسها مش علي بعضها
معظمهم فوق ال 35 بس بتحس من كلامها كده انها تعبانه او انها بتتكلم بطريقه مايعه تخليك مش علي بعضك
كدبت نفسي كذا مره و قلت يمكن علشان انا بقي الرغبه عندي قويه بيتهيألي ان ده بيحصل
بس سمعت كتير عن نفس الموقف من زملاء و اصحاب و هما برضه حاسين ان في ستات كتير كده و الصحاب دول متجوزين
الكوميديا بقي اني رغم اني بقيت تعبان كده و هموت و اتجوز علشان الجنس فانا متهيألي اني ممكن الاقي نفسي بقي عندي مشكله نتيجه اني كبرت في العمر و معرفش استمتع زي ما كنت مثلا اتجوزت و انا في العشرينات
ان بقيت متضايق اني بتحول لكائن شهوني و رغبته بتحتل جزء كبير من تفكيره و بتدفعني اني كتير من الاحيان ابص علي ستات كتير
و احاول المح حاجه من مفاتنها و ابقي مركز قوي
انا مكنتش كده و مش حابب اني كده بس تقريبا ده جسمي بدء يزعق و يقول ان ناقصه حاجه و انا هاملها تماما
انا بلغت من حوالي 22 سنه و جسمي محتاج من السن ده للجنس ممكن يكون ده السبب في اللي انا فيه
طيب انا مليش في الحرام علشان خايف من ربنا و الحلال ربنا مكعبل سكته قدامي اعمل ايه علشان ارتاح
و اةةةةةةة يـــــــــــــا افه
دلوقتى بقي عندك 39سنه 😂😂😂 طب انتا اتجوزت ولا لسه لانى نفس مشكلتك وعمرى 29
ردحذفلا و الله يا باشا لسه و هتم ال 39 قريبا و واضح ان الكرونا و القرف اللي احنا فيه هيصعب العمليه اضعاف ما كانت صعبه
حذفوانا زيكوا بالضبط 😁
ردحذفخدوني معاكوا يا رجالة .. واضح انها مشكلة عامه مش خاصه ابداً لكتير من الشباب
ردحذفمعتقدش انها مشكله عامه يا باشا هي مشكله ناس كتير ده صحيح بس مش هما الغالبيه تقريبا هي مشكله الناس اللي دايما كنا بنسأل نفسنا عنهم مالهم دول متجوزوش ليه مخلفوش ليه و منلاقيش اجابه لما بقينا مكانهم برضه مش لاقيين الاجابه عن نفس السؤال مش عارفين ليه حصل معانا كده عامه ربنا يرضينا و يرزقنا من عنده
حذفاتجوز جوازة. رخيصة على قدك في اسرع وقت
ردحذفاهم حاجة تلاقي واحدة تحتويك عاطفيا ومش لازم جمال سوبر اهم حاجة تكون مرتحالها
والاهل طيبين مايغلوش التكاليف
ربنا يرزقك ويحفظك ويباركلك ويجوزك بنت الحلال
و الله يا باشا انا ما بدور علي جمال سوبر لكن انا اللي بشوفه هو منعدم الجمال اللي تحس معاه انك بتظلم نفسك و تقول جوه نفسك هو انا بعمل ليه في نفسي كده لما اتجوز واحده زي دي
حذفو حتي لما تعصر علي نفسك لمونه مبتلاقيش ان الاهل بيتعاملوا معاك الا من منظور مادي رغم ان بنتهم ضايعه و معليهاش الطلب و يبدؤا يطلبوا طلبات عجيبه كما لو انهم هيجوزك سنووايت
اللهم صب عليه الرزق صبا
حذفاللهم ارزقه زوجه صالحه تعينه على ذكرك
ربنا يغنيك بالحلال ان شاء الله
و لك مثله يا ياشا ربنا يتقبل دعائك و يديك كل الخير يا رب
حذفانا شايف انها مشكلة كبيرة
ردحذفالجنس غريزة وصعب ما تفكرش فيه خلال الوضع الحالي
العري مالي الاعلام
والواحد محتاج واحدة تحبه ويحبها وتحتويه
المجتمع صعب الزواج بشدة
وصعب نغير الوضع لانه محتاج مجهود عام من كل الناس
ربنا ييسرلكم
والله يا اخي انا شاب 32 سنة ولسه مش لاقي البنت اللي بتمناها وطبعا الجنس غريزة من حق كل انسان يمارسها في الحلال.. ربنا يرزقك الزواج الصالح .. وادعيلي انا كمان ربنا يرزقني الزوجة الصالحة اللي بتمناها..
ردحذفللاسف مشكله انك تلاقي البنت اللي تصلح ليك دي صعبه جدا
حذفلو انت مش حاطط عينك علي حد من زمان غالبا اللي بيجيبلك من جواز الصالونات بيبقي سيئ جدا
و نادرا لما تلاقي حد فيه مناسب ليك خصوصا من جانب الشكل و القبول
و الاغرب اني لاحظت ان معظم المتجوزين مش مبسوطين الا من رحم ربي لدرجه ان في ناس بتدور علي انبساطها سواء رجاله او ستات مع طرف تاني
يعني تلاقي واحده متجوزه و مصاحبه واحد و مدلعاه اخر دلع و بتعمل ليه و معاه اللي لا يمكن تعمله مع جوزها
و برضه تلاقي واحد مصاحب واحده و مغرقها فسخ و خروجات و هدايات عمره ما فكر يعملها مع مراته
مش عارف انا الخلل ده جاي منين و ليه
يمكن لان الجواز بقي سلعه و بيع و شراء اكتر من انه حاجه فيها موده و رحمه و تقارب و تجاذب و حب و تفاهم
ربنا يرزقك بالزوجه الصالحه و يرزقني انا كمان يا رب و يحفظنا من الوقوع في الغلط
الموضوع ده حساس جدا للاسف وانا بقرأ كلامك وحاسس ان انا اللي بكتب الكلام ده لما هيكون عندي 36 سنة زيك "او 39 بمعنى اصح"
ردحذفانا شاب لسه عندي 25 سنة وبرغم ان لسه قدامي الحياة والفرص بس الافكار اللي انت اتكلمت عنها هي نفسها اللي بتجيلي دلوقتي وبخاف دايما على نفسي اني اوصل للسن ده و تكون كل رغبتي من الزواج هي اشباع الجنس فقط وده بالنسبة لي كابوس.. مش عارف اقولك ايه ولا اواسيك ازاي بس انا مش احسن منك لمجرد اني اصغر في السن بل بالعكس انا ضيعت سنوات من عمري في الدراسة خلتني اتأخر عن بقية اقراني وفيه منهم اللي خطب واتجوز كمان وانا مازلت لسه بدرس لمجرد ان كان عندي افكار سلبية تجاه البلد والمعيشة خلتني كاره كل شئ "مازالت الافكار موجودة ولكن بستعين بالله على قد ما بقدر عشان اعرف اشوف حياتي"
انا متعاطف معاك ولكن مش بشفق عليك لانك اكيد عندك عزة نفس هي اللي مخلياك مش عايز ترخص نفسك او ترمي نفسك لأي جوازة والسلام واكيد بتبحث عن الانسانة اللي تحتويك وتخليك تتعفف عن الحرام ومتحتاجش انك تشبع اي شئ غير معاها وده في حد ذاته يخليني احترمك كا انسان عايز يعيش بشكل سوي
حاول تستعين بالله وتدعيله انه يهديك لما فيه الخير ليك وصدقني فيه بنات ممكن الناس كلها تشوفها مش على قدر من الجمال لكن لما تعرفها وتعاشرها وتديلك كل اللي عندها هتلاقي ان عندها جمال مش عند اي انسانة تانية واهم حاجة تكون نضيفة من الداخل والخارج
وربنا يرزقك ببنت الحلال اللي تعفك عن الحرام وتساعدك على تقوى الله
اولا شكرا علي تعليقك المحترم يا استاذ محمود
ردحذفثانيا المشكله دي بتيجي من انك راجل مش عايز الحرام و في نفس الوقت لسه ملقتش الحلال و كل ما تكبر كل ما الموضوع بيزيد لانك واحد صايم تخيل بقي انك صايم بقالك 25 سنه مفطرتش مستني المدفع يضرب
اللي هحاول انصحك بيه هو متضيعش وقتك ورا احلام و اوهام
يعني متدورش علي شغلانه بمرتب كبير و شقه كبيره تمليك و بعدين تفكر تتجوز
لا ابدء من بدري و خد اللي ترضي بيك في ظروف و انت لسه بادئ لان كل ما هستسني كل ما الطلبات هتزيد و كل اللي هتعمله هيبقي مش عاجب الناس
و غالبا اللي هتتعرض عليك هتبقي حاجه اسف في الكلمه قعر القفص مش وش القفص
فحاول كده تستفيد بعمرك خلص دراستك و خطط انك يبقي عندك بيت و اسره من بدري
متسمعش كلام حد يقولك انت علي الابيض و الناس مش هترضي بيك و لازم تجيب و تعمل
في ناس كتير اعرفهم اتجوزوا في ايجار و بمرتبات ضعيفه و استمتعوا بحياتهم و فرحوا بعيالهم
انا والدتي كانت دايما تحسسني اني مينفعش ادور علي عروسه قبل ما اجيب شقه و قبل ما ابقي مستعد و قبل و قبل و في الاخر لما بقيت مستعد بقي العرايس اللي بتجيلي متنفعش للاستخدام الادمي
ربنا يقويك و يكرمك و يوفقك في مستقبلك و زي ما انت قولت انت لسه صغير و العمر قدامك بكرر تاني اوعي تضيعه ورا اوهام و افتراضات و قرارات ناس تانيه
وانا زيك والله العظيم كنت في الاول بقول حرام على النظره وعلى اللمسه والهمسه حتى فى ودان اي موزه ماشيه في الشارع وكنت كل ما اقابل حد من معارفي متجوزش زيي وعايز يعمل حاجه غلط اقوله لا علشان ربنا يديك اللي بتحلم بيه بس الحقيقه مع الوقت وجدت ان ربنا بيدي بس ناس بعينها ومش كل الناس حتى انك ممكن تقابل واحد بيعمل علاقات زنا مع بنات كتير جدا وفي رمضان ووقت الصيام عادي جدا ولا بينزل عليه صاعقه من السماء ولا اي عذاب وبعدها بسنين تلاقي ربنا هداه واتجوز واتمتع في الحلال وانا طول الوقت ده كنت واقف زي خيبتها لا طولت سما ولا ارض ومفاهيمي الدينيه اتلخبطت وتاهت في الدنيا الزباله دي وبقيت زي اي حدا مش طايل ونفسه اوي ومش فارق معاه صح ولا غلط ايوه اللي زينا بيعلنوا جدا بس تقول لمين احنا بنهوهو زي الكلاب محدش حاسس بيننا
ردحذففاهم و حاسس كل اللي بتقوله بس محدش هيحس بيك لان الغلطان نفسه زي العنتايل اللي ظهروا مكنش شايف المتعه اللي هو فيه و سبحان الله كان تحت ايده الاثنين الحلال لانه متجوز و كان في ايده يتجوز شويه من المطلقات اللي يعرفهم و لو عرفي و الحرام اللي كان مع كام واحده متجوزه و الزوج مسافر و كان متدلع اخر دلع معاهم و بيعملوا له اللي مكنش بيتعمل لازواجهم و برضه مشبعش و فضل ماشي ورا الموضوع لحد ما اتفضح المشكله بقي انك زي ما قولت لا قادر تصبر لحد ما تلاقي الحلال لان الموضوع طول اوي و لا قادر تمشي فاتجاه الحرام خوف من ربنا و في الاخر انت اللي تعبان لوحدك و محروم لوحدك من غير اي ذنب او جرم انت عملته علشان تتعاقب العقاب ده
حذفبس احيانا بحس ان حتي العناتيل مش مبسوطين. اللي يخليه يدوس في الموضوع اكتر و يعرف ستات اكتر, معني كده انه مشبعش,
حذفكل ما يدوس اكتر و يعرف ستات اكتر و يسيب نفسه للجانب الهيجان منه كل ما يجوع اكتر.
فاحيانا بحس ان حتي لو الواحد اتجوز, هيبقي لسه محتاج يمسك نفسه و يغض بصره او يحاول يقلل الحاجات اللي ممكن تهيجه في يومه, لأن لو ساب نفسه لهيجانه ممكن يبلعه و يحوله لشخص وسخ مبيشبعش ابدا
بصراحه مقدرش اتفق او اختلف معاك لكن انا بشوفها ان اي راجل لو بقي قدامه فرصه ينام مع واحده جديده كل يوم و لنفرض ان ده مش حرام هيبقي مبسوط و مش هيقول لا و منقدرش ننكر ان التجديد في اي حاجه حلوه و اعتقد ان ده سبب ان في الجنه الراجل هيبقي ليه عدد من الزوجات الحور عين مش فاكر كام بالظبط بس معني كده انك الطبيعي بتحب تجرب مع كذا حد
حذفو برضه في رأيي ان الستات لو لقت وسيله لكده و الوسيله مش حرام مش هتتردد انها تبقي مع حد تاني جديد كل يوم لان كل واحد مش زي التاني و في الاخر محدش عارف الحقيقه ايه و لا الصح ايه
وبسال الايام اخرة دة كلة اية ؟
ردحذفسؤال معنديش فعلا اجابته و لو ان لو الحال هيفضل كده يبقي يا رب ما يكون ربنا يبقي كاتب ليا العمر الطويل
ردحذفآخر تعليق ليك قتلني حرفيا.
ردحذفحضرتك تقد اي تعليق فيهم؟
ردحذف*ان لو الحال هيفضل كده يبقي يا رب ما يكون ربنا يبقي كاتب ليا العمر الطويل*
حذفاكيد طبعا العمر الطويل ده مشاكله كتير للناس اللي مبسوطه في حياتها فما بالك باللي حياته مش مرتاح فيها تخيل انت لو هتعيش لحد ال 70 و انت في حالي لا جواز و لا اسره و لا انبساط ولا هدف تصحي الصبح علشانه مش بذمتك ده عذاب مش بذمتك كونك في لحظات بتقعد تعترض علي قدر الله غضب عنك و تقول ليه كده يا رب بيخليك تشيل ذنوب اكتر و تتحاسب اكتر انا يا استاذي الفاضل نفسي مصحاش بكره الصبح بس خوفي الوحيد اني مش مستعد اني اقابل ربنا رغم كل محاولاتي اني اكون انسان صالح
حذفأنا ف آخر العشرينات و ناوي بجديه اني مكونش أسرة ، اقصي حاجة هتجوز بس عشان مقعش ف الحرام ، و هحاول ادور ع واحدة مبتخلفش او مش عايزه اطفال ، بدرس الموضوع دا جامد الفترة دي ف ايه رأي حضرتك لاني حاسس من كتاباتك انك مكبر الموضوع او مش عارف يمكن فعلا اللي الناس بتقوله صح و ان الوضع صعب من غير اطفال ، فهل هندم لو قررت اني مخلفش
ردحذفو الله بص مبدئيا كده انت زي ما قولت علشان متخلفش لازم تلاقي واحده مش عايزه عيال و دي غالبا هتبقي مطلقه و عندها عيال و مكفيه الجانب ده لكن لو واحده مش بتخلف هتلاقيها بتحن للخلفه و ممكن تضغط عليك مثلا تتبنوا طفل و لو واحده بتقولك مش عايزه اخلف ممكن في مره تقعد مع صحابها و تلاقي معاهم عيال و يحسسوها انها اقل منهم ترجع من الخروجه دي مش في دماغها غير انها تجيب عيل منك علشان متبقاش اقل من حد
ردحذفثانيا العيال ممكن يبقوا نعمه او ممكن يبقوا نقمه محدش بيبقي عارف العيال هتطلع عامله ازاي بس اللي اتمناه لو قررت تجيب عيال انك متبقاش شايف انك علشان ابوهم يبقي مينفعش يخالفوك و لا يقولوا لا لو حاجه مش مناسبهم او مش نافعه انا عندي مشاكل بقالي اكتر من 3 اسابيع مع ابويا و امي مخليناني مش طايقهم حرفيا رغم اني بحبهم جدا و بفكر اشوف اعمل ايه علشان اروح اعيش في شقتي لوحدي لكن اللي مكعبلني اني مش فارشها ده اولا ثانيا اني محتاج حد يخدمني انا في بيت اهلي بتخدم وسط خدمه البيت في اكل بيتعمل انا باكل منه هو مش ليا مخصوص بس اهو بيتعمل في غسيل بيتغسل هدومي بتتغسل وسطه بصراحه عايز اشوف حل للموضوع ده لاني فعلا مش طايق طريقتهم و لا ضغطهم المستمر في طلباتهم اللي مفيهاش مراعاه لحالتي النفسيه و لا الجسديه يالا نزلنا وصلنا دلوقت و لما تقول طيب خلينا يوم تاني بقيت عاق و شرير و مش متربي
ثالثا : انا مش مكبرها بس انا معنديش هدف في الحياه زي ما قولتلك و حياتي مفيهاش الا الشغل اللي لما بتخنق منه و ابقي بقول يا رب انا زهقت و مش عايز شغل تاني افتكر ان ده اللي بيجبلي القرشين اللي عايش منهم و هو الحاجه الوحيده اللي في حياتي و من غيره واقعيها مفيش اي حاجه تانيه رغم انه واحد معظم حياتي
انا طولت عليك بس رأيي ان اختيار عدم انجاب اطفال مش صحيح 100% و ممكن بعد ما تنفذه تلاقي نفسك بعد كده عايز يبقي عندك اولاد و الدليل ان اللي ربنا حرمه من الخلفه حاسس بنقص غير طبيعي عامه المهم انك تتجوز و متطولش لو عندك امكانيات لان صدقني الموضوع بيدمرك نفسيا كل ما تكبر في العمر
متشكر ع نصيحتك ، انا معنديش مشكلة مع التبني او كفالة يتيم علفكره او واحده بأطفالها ، مش عارف دا هيبقي بديل مناسب للأنجاب ولا لأ بس لو حصل و ندمت ممكن ابقي اخلف متأخر و خلاص واهي تبقي اقل خساير.
حذفاللي ربنا حرمه م الخلفه حاسس بالنقص بسبب ضغوطات مجتمعية مش دايما بسبب رغبته هو ف الأنجاب، الأطفال حاجة عظيمة بس فيه ناس مش قدها سواء ماديا او نفسيا او ايا كان السبب.