فاضل 28 يوم زي سني تقريبا لما بدءت المدونه دي و كنت ساعتها زعلان علي ضياع الخطه الخمسيه الاولي يعني ضياع اول 5 سنين من التخرج بدون اي اتقدم للأمام او حدوث اي شئ السنه دي برضه كان فيها معظم خطوبات اصدقائي و كان فيها بدايه الاكتئاب اللي ملازمني من ساعتها لحد دلوقت و مش عارف اتخلص منه يا خساره علي الزمن اللي راح اللي خلاني فكرت في المدونه دي هي مدونه يا اخي احه بتاعه ابو الليل و اللي توقف عن الكتابه و كمان مدونه egyptoz اللي مش عارفل ايه حكايه صاحبها ليه مليون شخصيه و مليون حكايه و لكنه يشترك معي في اعتبار سن الثرثين هو نهايه سن الشباب و اللعب و الهيصه غير كده شويه يوقل انا مهندس شويه يقول انا راقص باليه شويه يقول كنت في الجامعه سنه 2005 و شويه يقول عندي 32 سنهالمهم من بكره اعتقد اني هكتب كلام مفيد مش مجرد عدد و خلاصتكون حاجه مفيده اختم بيها حلي سنين العمرو اه يا افه
فاضل 29 يوم علي ال 30 مش عارف اقول ايه اعتقد في الايام القادمه هبدء اتلكم عن مواضفات الشاب الثلاثيني في عيون الناس و مواضفاته في عيون نفسه احلي ايام عمري بتخلصشبابي بيخلصالعشرينات اتسربت من ايدي و اديني داخل علي العجز خلاصمن غير ما احقق اي حاجه و لا افرح بأي حاجهشبابي خلص و راح اونطهاه يا افه
فاضل 30 يوم و ابقي 30 سنه و مش قادر اقو لحاجه اخر شهر في العشريناتو اه يا افه
مش عارف ابتدي ازاي الموقف عندنا 3 شباب هيتجوزوا الشهر ده اعمارهم كالتالي 28 و 27و 23اللي فقعني فيهم اللي عمره 23ايوه فقعني ما انا لما الاقي عيل دفعه 2010 متعين معانا من 3 او 4 شهور و هيتجوزر خلاص و انا عندي 30 سنه و حتي مش عارف اجيب شقه اي كلام علشان اعرف اتجوز يبقي لازم اتفقع 7 سنين فرق بينا يا جدعان عشتهم انا علي الفاضي هو علشان بابا ظبطه و جابله الشقه و جابله الوظيفه كمان يبقي عمره ميضعشانا عمري يضيع علشان ابويا لا عرف يلاقي ليا وظيفه و لا يقدر يجوزنيتخيل لو انا كمان كنت جاهز و اتقدمت انا و الواد ده لنفس العروسه تعتقدوا هيختاروا مين اكيد هو شاب جاهز و ضعير احسن من الجاز و كبير اصل الكبير هيبقي معقد و هيبقي عطشان اوي للجواز من سنين الحرمان و كمان ليه تتجوزي العجوز ما تتجوزي الصغير اتلعبوا مع بعض و تعيشوا شبابكوا اللي عدا ال 30 ده راحت عليه ( تخيل للي هيحصل)و الله انا لما كنت قده كنت عايش في سنين البطاله و حتي لما اشتغلت معرفتش اتجوز هو ليه الدنيا كده بتدي واحد حاجات كتير و تحطه قدام المحروم ينغص عليه عيشته و يفكره بخيبته و قله حيلتهطيب ما تديله في مكان تاني مش نفس المكان اللي بشوفه فيه كل يوم و افتكر خيبتي فيه هو انا ذنبي ايه اني مش لاقي حد يساعدني زي ما هو لاقي ابوه يعمله كل حاجه هو ليه كل ابوه ساعده و ليه هيكون عيبي اني تأخرت لأن مفيش حد ساعدني و لا اداني حاجهانا مخترتش ابويا و هو مخترش ابوهلكن هو حظه بقي 100 100 و انا حظي زفتطيب اعمل ايه و الله انا تعبت من اسئله الناس الكتير و من نفسي لما بشوف العيال بيتجوزا و يبقي اباء و عندهم اسرو انا زي ما انا اللي بيحثل ان عمري بيزيد بسفين العدل في كده ما هو علشان يكون في عدل لازم يكون عندي حاجات مش عنده و دده مش حقيقي هو كمان عنده حاجات مش عنديده مش حقد لكن متقوليش ان الواحد يلاقي نفسه في الحاله دي و يلاقي واحد اصغرمنه ب 7 سنين بيتجوز و يبقي سعيد و فرحانو الابتسامه و البهجه ملياهطيب مين هيعوضني عن عمري اللي راح طيب ليه اتجوز واحده انا و هي منبقاش عارفين نعمل حاجه في حياتنا الا لما الناس يقولوا دو لاتهبلوا و لا ايه دول كبارعلي كدهطيب ليه عيالي يبقوا بيحسوا اني جدهم مش ابوهمطيب ليه ابقي شايل ابني علي كتفي و ابن زميلي يكون في اعدايطيب ليه ابقي دايما الاخير و افضل في مقاعد المتفرجين لحد ما يبقي مفيش حد بيتفرج غيريطيب ليه انا عايش اساسا ما الموت احسن علي الاقل مش هتتمني حاجه و انت ميت و مفيش حاجه هتحصل قدامك تنغص عليك حياتكعيل عنده 23 يا دوب مخلص كله من كام شهر و متعين من كام شهر يتجوز و انا قاعد بتفرج و اتحصر علي خيبتياقول ايه مش فاهمها ولا عارف ليها قاعده الرزق ده ماشي ازاي و النصيب ده ماشي ازاي طيب في العدل في اللي بيحصلايه اللي انا كسبته هو مكسبهوش اني اتحسرت اني احبطت اني قرفت و زهقتهو ده بيتحسب من المزايا ايه طبعا لأنه عندي و مش عندهكفايه كده
س:من هي دينا؟هي بنت كانت معايا في نفس الدفعه مكنش في بيني و بينها اي كلام و لا علاقه و لا معرفه و لا اي حاجه الا موقف حصل مره كانت هي و صاحبتها استغلوا و جودي انا و زملائي في الصلاه اثناء فتره الراحه بين المحاضرات و المحاضره كانت زاحمه فشالوا البلوك نوتز بتاعتنا و قعدوا في المكان بتاعنا :)س: طيب و افتكرتها ليه ؟كنت بقلب في الفيس بوك و لقيتها عند واحد من دفعتي لقيتها اتجوزت من كام شهر و بقت زي القمر س: هي كانت وحشه ؟لا بس كمان مكنتش حلوه كدهس: طيب مش فاهمك ايه مشكلتك انت؟فكرتني بأيام زمان و قد ايه انا عجزت 7 سنين عدوا من غير ما اشوفها فجأه حسيت انها بتمثل كل ما كنت احلم بيه كل حاجه حلوهفكرتني ازاي كاروا السبع سنين دول 2 في البيت و 5 شغل من غير تحقيق اي احلام فكرتني بأيام الدراسه اللي كنت بتمن اخلصها بأي شكلحسيت قد ايه انها كانت غاليه و انها كانت زهره العمر علي رأي توفيق الحكيم راحت مني بسرعه كده5 + 7 = 12 سنه ضاعوا 5 من احلي ايام العمر و 7 ضاعوا بعيد عن الناس الحلوه عن الزملاء و الصحاب اللي اختفوا و اللي اتشغلوا و اللي مبقوش فاكرين حد افتكرت لما كانت بتيجي بعربيتها السكودا الفيليشيا البضا و تركنها و معاها صاحبتها الطويله رانيا افتكرت شعرها الناعم اللي لسه زي ما هو افتركت احساسي للحظات اول ما اشوفها ان هي مستواها المادي مرتفع ( موضوع المستوي المادي ده هنتكلم فيها بتوسع عن المستوي المادي لجيلي و الجيل اللي بعدي) و بعدين شوفت جوزها معاها في الصوره شاب عادي لا حلو و لا وحش و هي بقت شكل تاني بعد الجواز س: شكلك بتحبها؟لا و عمري فكرت فيها بس زي ما قولت هي فكرتني بأيام حلوه قضتها تشبه قصه الايام دي هي خرجت من الايام دي للمرحله الثانيه مرحله الزوجه و الام علشان متندمش علي الفات و متقولش كانت احلي ايام و غيرها كثير من صحابي ولاد و بنات عملوا كدهلكن انا لم شوفتها اتحسرت علي الايام دي و اتحسرت علي حالي ايامها مكنتش بتحس بالفراغ و مش بتحس انك وحيدو مش بتحس بالزهق مكنتش بتحس انك بتكبر و عمرك بيجري مكنتش بتفتكر بكأبه عمر ال 30 و حلاوه يام العشرين ايوه دخلت انا في الكأبه فاضل اقل من 45 يوم و اكون 30 سنه و اودع احلي ايام العمرو الله عمري اتسرق و الله العظيم ال 12 سنه دول اتسرقوا من حياتي اول ما شفتها حسيت بكأبه غير طبيعيه معرفش ليهفكرتني بأيام كانت مره بس حلوه قعدت اتفرج علي ال wall بتاعها لحد ايوم اللي عملت فيها اللأكونت علي الفيس بوكسنه 2007 تقريبا في الوقت اللي انا عملته فيه مش عارف ايه اللي خلاني اعمل كده مش عارف ايه اللي خلاني اكتئب كده لما اشوفهامش عارف لو رجعت تاني ايام الكليه كنت هعمل ايه كنت هكلمها اكيد لا مكنتش بتمثل ليا اي حاجه و لا فكرت فيها لحظه بس دلوقت الموضوع مختلفهي اصبحت بتمثل الحلم الضائع الحلم الحلو الجميل اللي متعرفش مقدار حلاوته الا لما ميحصلش الا لما توصل 30 سنه و ما ميتحققش تشوف اد ايه جميل اد ايه كان هيسعدك و كل ما يبعد تشوفه احلي و اجملكم افتقد ايام المحاضرات و ايام السهر كم افتقد شكل المدرج و شكل غرفه السكشن كم افتقد غلاسه المعيدين و الدكاتره كم افتقد ضحكات الصبايا و الصبيان ايوه كنا صبايا و صبيان دلوقت اصبحنا رجال و كثيرا منهم اصبح اباء و امهاتالعمر جري و اللي عدا بعد الدراسه( 7 سنين) اكثر من اللي قضيته فيه(ا 5 سنين) و رغم ذلك مازالت احس بالحنين لهذه الايام اللي جوايا مش عارف اترجمه لكلام مشاعر متناقضه او احاسيس غريبه لكن في الاخر كلها احاسيس حزينهنصيحه لكل واحد في الكليه استمتع بكل دقيقه بكل ثانيه فيها دي احلي ايام دي زهره عمرك هتبكي عليها بقيه عمرك من الاخر رغم انها نسبتها ممكن متزدش عن 10 % من السنين اللي هتعيشها لحد ما يجيلك الموت لكن دي احلي ايام و الله احلي اياماحلي ايام العمرو اهــــــــــــــــــــــــــــــــــــــــــــــه يا افه
كلها كام يوم و سنة 2010 هتنتهي و تيجي 2011 و بنهاية 2010 و بدايه 2011 هتحصل حاجات كتير و هتروح حاجات و حاله النفسية هتسوء اكثر.
فمثلا في 2011 او بعد نصها ما يعدي بشويه هيكون عمري 30 سنه يعني خلاص العشرينات راحت اللي هي زهره العمر و عز الشباب يعني نص عمري راح يعني بدءت مرحله الاضمحلال في كل حاجه يعني مخي هيبدء يكون اداءه اقل و جسمي كمان يعني اي عيل من اللي شغالين معايا دلوقت هيكون احسن مني و هيفكر احسن مني و هتكون المقارنه في صالحه دايما في ناس هتقول طيب ازاي يتقارنوا بيك اصلا ده انتالمفروض تكون مديرهم و لا الكبير بتاعهم ( سنيور يعني ) تقولك ان انا شغال في شكره مفيهاش المبدء ده فأنت يا مهندس يا مدير مفيش حاجه في النص
يعني ممكن يكون مهندس عنده 35 و زميله عنده 23 و بيعملوا نفس الوظايف و ليهم نفس الصلاحيات و الكبير اللي 35 ملهوش كلمه علي الصغير اللي 23
متخيلين اني هبدء اكون وحش و هما هيكونوا احسن ول كن دي سنه الحياه
في الاماكن التانيه انت بتتقارن بيهم لأنك المفروض بتبقي في مركز تاني او في فئه اخري سنيور او مدير قسم او حتي نائب مدير قسم فساعتها كل واحد بيلعب في جزء بعيد عن التاني لكندبوقت بكلنا بنلعب في نفس الجزء
يبقي 30 ده سن بدايه النهاية للعقل و الجسم هو صحيح نهايه بتاخد وقت شويه من 15 الي 20 سنه و لكن المشكله فيها انك كل يوم بتكون اسوء من اللي قبله
من وصلي سن ال 30 اكتشف اني معلتش اي حاجه اني ولا حاجه في 2010 و 2009 اللي كان فاضل ن صحابل مش متجوز خطبوا و اتجوزوا و فضلت انا لوحدي مليش حد ليا صحاب اسميا لأن كل واحد مشغول ببيته و مراته لما نتقابل كل مده طويله الاقي نفسي زي يوم ما اتخرجنا اخر اللسته
اخر اللسته في اني الاقي وظيفه , اخر اللسته في مرتبي في الوظيفه , اخر اللسته في مستوي الشركه الي انا شغال فيها , اخر اللسته في المسمي الوظيفي بتاعي ( مهندس) و اخر اللسته في تكوين اسره و وجود زوجه و اولاد
في سن الثلاثين تبقي اتأخرت في الجوازلما تيجي تتجوز تبقي انسان لازم تكون عاقل و هادي مينفعش تهزر انت بقيت كبير مينفعش تجري ورا مراتك زي العيال اللي في العشرينات مينفعش تهزر معاها زي ما الشباب بيهزروا انت راجل كبير
في الثلاثينات مينفعش تقول انا هأجل موضوع العيال شويه علشان نعيش انا و مراتي نتمتع شويه هتقولي و مين بيأجل هقولك
في واحد من الزملاء اللي عندهم 25 سنه اتجوز السنه دي تقولي ازاي هقولك ابوه ظبطه المهم كنت بقوله يا عم عقبال ما ربنا يرزقك بولد قالي فال الله و لافالك لسه شويه اناعايز اتمتع بحياتي و مراتي ( يعني من الاخر هو استعجل في الجواز مش علشان عايز عياله يبقي عندهم 20 سنه و هو 45 ل هو استعجل علشان يقضي رغباته الجنسيه اولا و العاطفيه ثانيا ) و حتي لو اجل موضوع العيال 5 سنين هيخلف و هو عنده 30 يعني مش كبيرلكن انا دلوقت بلعب في الوقت بدل الضايع
30 سنه و مفيش حاجه لا شقه و لا عروسه و لا شغلانه كويسه و لا مكانه و منصب و مرتب مناسب لسني و خبرتي ولا حاجه و الله و لاحاجه الناس حواليا بتتغير و انا واقف مكاني في كل حاجه و العداد بيعد و عمري بيجري
مبقتش اقدر اقول لما حد يكلمني في الجواز لسه بدري او انا لسه صغير خلاص وقت الكلام ده انتهي دلوقت انا في الوقت اللي المفروض يكون معيا اولاد في مدرسه
و الله كتير من صحابي و زمايلي اللي في سني عيالهم دخلوا مدارس و انا اصلا مش عارف اعمل حاجه
يبقي حياتي الأسريه ضايعه اما بالنسبه لجياتي المهنيه فهي برضه ضايعه يعني مفيش حاجه عدله في حياتي
ساعات كتير بسأل نفسي هو ليه ربنا عمل فيا كده ما اللي حواليا محصلش ليهم كده ليه انا
طيب لو ده اختبار و بلاء مش كفايه كده بقي هعيش كام سنه مبتلي و مختبر انا مش قادر استحمل خلاص
نفسيتي مدمره و حياتي ملهاش اي معني و لا اي لازمه
مفيش متعه في الحياه اليوم هو هو كل يوم و الناس مش رحماني من الاسئله نفسي اقول لأي حد يقولي هو انت مش ناوي تتجوز اقوله انت مالك انا حر بس مينفعش دايما لازم يكون الرد دبلوماسي
2010 كان من اسوء السنين الي عدت عليا امراض غريبه اصابتني وحاله نفسيه سيئه جدا و كمان ادمان شات علي الفيس بوك و
الام اس ان
ايوه بكلم بنات عرب و اجنبيات لأني مش لاقي حاجه اعملها ايوه لأني معنديش حد في حياتي ايوه لأني اكتشفت ان مش من الطبيعي الواحد يعيش من غير حد من الجنس الاخر في حياته علي الاقل من الناحيه العاطفيه لو اهملنا الجانب الجنسي ( اللي هو مهم طبعا و مؤثر في الحاله النفسه كمان)
2011 هيكون اسوء نفسا هبقي 30 هبقي كبير هبقي واحد شاذ عن اللي في سني لأنهم متجوزين و عندهم زوجات و اولاد و كمان في شغلهم بقي ليهم منصب و مركز مش زيهم زي العيل ابو شخه اللي لسه متخرج سواء مديا او معنويا او من نايحه الصلاحيات
فرق مرتبي عن العيال مش كتير و العيال بتتجوز و بتخطب و انا زي ما انا ليه علشان ابويا مش قادر يساعدني و لا يقف جنبي طيب ده عدل ان الدنيا تمشي كده و لا هي الدنيا بقت كده
ابوك معاه فلوس و عنده معارفيبقي تتعلم كويس و تشتغل في مكان كويس و تتجوز بدري و تعيش مستريح
ابوك معهوش فلوس و معندهوش معارف يبقي تقعد في بيتكم سنتين علشان تلاقي شغلانه و عمرك يضيع و انت مش عارف تتجوز و لا تعمل حاجه و العيال اللي بالنسبه لك تجيب عيال و انت زي ما انت
كلنا شمعنا عن موضوع الواحد الصحيح بتاع الشيوخ بتوع التلفزيونات اللي يقولك كلنا لينا واحد صحيح في الدنيا بس متقسم بأختلاف يعني في بني ادم الواحد بتاعه معظمه مال و سلطه و جاه و لكنه وحيد و حزين ز تعيس و مريض و في بني ادم تاني فقير و غلبان و لكنه سعيد و ابناءه حلوين و صحته فل و و عياله زي الفل
نفسي اقول كلمه ابيحه
لأني اللي شايفه في ناس عندها 5 مش واحد و في ناس عندها 0.5 زي حالاتي معندهاش اي حاجه مشفتش مثلا ان عبده العبقري حزين ز حياته بايظه و لا بيته متفكك و لا طلع عقيم و لا اتعب في الحصول علي وظيفه و لا اتطلق من مراته
مشفتش العيل اللي عنده 25 و اللي اتعين معيا من اقل من سنتين تعبان و شقيان علشان يتجوز و لا طلع بتاعه مش بيقف و معرفش يكيف مراته و حصلتله مشاكل
اللي شفته ان في ناس واخده معظم المتع اللي في الدنيا و في ناس مش واخده حاجه او واخده علي قفاها و بيصدقوا نضريه الواحد الصحيح اللي مش عارف جت منين االلي ملخصها انك لما بتاخد كل الحاجات اللي نفسك فيها بتنقص منك حاجات
انا مش شايف ان الناس دي ناقصها حاجات موجوده عندي بالعكس و الله كل حاجه عندي عندهم و هما يتفقوا عليا باللي عندهم و مش عندي
في نظريات تانيه بتقولك اللي تعب و هو صغير هيرتاح و هو كبير و اللي اتسريح و هو صغير هيتعب و هو كبير برضه مش صح
مش قاعده و كل واحد و ظروفه
طيب يبقي تفسير اللي انا في ايه و مطلوب مني ايه بالظبط علشان يتغير حالي و يبقي احسن من اللي انا فيه
مطلوب مني ايه علشان ابقي بني ادم و علشان اعيش زي بقيه الناس و لا انا محكوم عليا الاقي الحاجه و انا عجوز و يبقي عمري 60 سنه و ابني عنده 18 زي ما حصل معيا انا و ابويا
مش عارف انا تعبت و زهقت سنتين عدت علي البلوج ده و محصلش اي حاجه جديده في حياتي و لا بقيت احسن بالعكس بقيت اسوء بقيت مش طايق نفسي بقيت بحقد علي اي حد اصغر مني و عايش حياته زي المسار الطبيعي اللي المفروض يعيشه اتخرج و اشتغل علطول و خطب و اتجوز و هو 25 سنه و فرح بعياله و عايش كويس و انا زي ما انا في اللي نفس الهباب اللي انا فيه
مش هقدر اقول في الأخر غير ياااااا رب عدلها يا رب لو كنت اذنبت و انت بتعاقبني علي ذنبي فأنا تبت و ندمت يا رب ان كنت بتختبرني و تمتحني فأرحمني و كفايه عليا كده لأني خلاص مش قادر و انت ادري بحالي مني و مش محتاج كلامي يارب حسن احوالي و ارزقني من لدنك و اغفري و سامحني و اتني في الدنيا حسنه و في الاخره حسنه و قني عذاب النار
امين
و اةةةةةةةة يا افه
يعني ايه Eye Candy
Noun
eye candy (uncountable)
- (US, slang, idiomatic) A very attractive person or persons, or the salient visible physical attributes of same.
- (US, slang, idiomatic) Any object or sight with considerable visual appeal.
- و ترجمه الكلمتين دول يعني انها حاجه تجذب الانتباه خصوصا نظيرا يعني تحس باسعاده مم مجرد النظر إليها
- طبب في ناس بتحس بالسعاه من النظر إلي مفاتن المرأه بس مش ده اللي اقصده ده بيكون عرضه الوصول إلي نوع من الامتاع الجنسي يعني بيشوف الست كجسم مغري مش فارق معاه هي وجهها شكله عامل ازاي
- لكن اللي اقصده هو جمال و جاذبيه الوجه الذي يجعلك تحس بالبهجه لرؤيته مل لوحه جميله من ابداع الخالق و ساعتها مش بتركز في حاجه تانيه
- امثله
- من السيدات اللي تعتبر من اجمل الوجوه ايمان عياد مذيعه الجزيزه و نسرين طافش و سلاف فواخرجي ( البعد لا يراها جميله اذواق) و غيرهم
- السؤال اللي موجود هنا تعمل أيه لما حياتك ميكنش فيها واحده كده تسرح و انت باصص ليها تسرح في جمال عينها يعني في شغلي كلنا رجال مفيش حاجه تبهج الناس مش قصدي حاجه وحشه و الله بس اعتبر اني بتكلم عن زهره جميله بتملئ المكان بهجه مش عارف و مش عارف اكتب ايه تاني
و اةةةةةةةةةةةة يا افه
فاضل 28 يوم زي سني تقريبا لما بدءت المدونه دي و كنت ساعتها زعلان علي ضياع الخطه الخمسيه الاولي يعني ضياع اول 5 سنين من التخرج بدون اي اتقدم للأمام او حدوث اي شئ السنه دي برضه كان فيها معظم خطوبات اصدقائي و كان فيها بدايه الاكتئاب اللي ملازمني من ساعتها لحد دلوقت و مش عارف اتخلص منه يا خساره علي الزمن اللي راح اللي خلاني فكرت في المدونه دي هي مدونه يا اخي احه بتاعه ابو الليل و اللي توقف عن الكتابه و كمان مدونه egyptoz اللي مش عارفل ايه حكايه صاحبها ليه مليون شخصيه و مليون حكايه و لكنه يشترك معي في اعتبار سن الثرثين هو نهايه سن الشباب و اللعب و الهيصه غير كده شويه يوقل انا مهندس شويه يقول انا راقص باليه شويه يقول كنت في الجامعه سنه 2005 و شويه يقول عندي 32 سنه
