IL DIVO Reflections (2) : Falling Slowly

 Another Great Reflections From IL DIVO

 Te Prometo

Falling Slowly

IL DIVO Reflections Dove l'amore

Dove L'amore

adagio to strings

I love Il Divo when i listen to their songs i feel that i live in a different place maybe in europe where i would like to live and work they are great they use the good oldies to make a new master pieces here we i write about one of this great songs Dove L'amore which is a reproduction for samuel barber adagio to strings

131

بعد غيبه حوالي 3 شهور عدنا بأخر الأخبار و هي لا جديد :)
الجديد ان بعد 3 شهور و نصف سوف اكمل عامي ال 31 و احب بهذه المناسبه اني اقول اني اللي يضحك عليك و يقولك الناس بتكتشف نفسها بعد ال 30 و انا الحياه احلي بعد ال 30 و الكلام ده كله احب اقول ان كل ده اونطه و هجص
بعد ال 30 هتحس بالضياع خصوصا لو لسه مكونتش اسره كل الناس بتنظر لك نظرات مريبه " ايه حكايته الواد ده متجوزش ليه طيب مش مرتبط ليه لحسن يكون ........ استغفر الله العظيم ده مش باين عليه خالص" ده بالنسبه لنظره الناس من الناحيه الاسريه و لنظرتهم من النواحي الاخره فهي انك كبرت علي كل حاجه كبرت انك تلعب تتفسح تهزر يعني المفروض تدفن نفسك و تلاقي تعليق يحرق دمك من نوع ايه اللي انت بتعمله ده ده انت اللي قدك عيالهم في المدرسه دلوقت
و تبدء تلاقي الناس بتعاملك علي انك كبرت اوي مبقتش شاب مبقاش من حقك اي حاجه
ده بالنسبه لكلام الناس اما بالنسبه لكلام لأحساسك الشخصي فهو احساس زي الزفت و الاحساس ده بنقسم الي عده انواع
اولا:- اذا كنت اعزب
فأحساسك ساعتها انك ضايع ملكش هدف و انك اتأخرت في الجواز احساسك انك مش هتتقبل بسهوله من اي عروسه احساك ان زمايلك و صحابك سبقوك بمراحل و انك علي احسن الظروف هتطلع معاش و ابنك بيخلص دراسته ده لو اتجوزت و انك عمرك ما هتلعب معاه و لا تفهمه
ثانيا:- اذا كنت متزوج
لو خلفت هتحس انك ضيعت ايام المرح و الشباب و اتجوزت بدري و تقول يا بخت فلان و علان اللي لسه متجوزش عاشوا حياتهم صح " ايوه ما انت متعرفش الحقيقه و اللي هما حاسينه" هتحس انك عجزت و شلت الهم و بقي وراك مسؤليات و بابا و ماما لكن في الاخر انت قدام المجتمع شخص مثالي ماشي علي الخطه التمام اتجوزت قبل ال 30 و خلفت و ده يدل علي انك راجل محترم مش فلاتي يعني في ميزه ممكن تحسبها بينك و بين نفسك اني راجل ماشي علي الخطه
ثالثا:- اذا كنت في وظيفه مش عجباك
هتحس ان القطر فاتك و ان بقي صعب التغيير من هيخدني و انا عندي 30 سنه و تحس ان الناس سبقتك خصوصا لو صحابك شغالين في اماكن محترمه و بيخدوا مرتبات محترمه مثلا واحد شغال في شركه بتسفره كتير بره و بتيدله عربيه و مرتب كبير و انت شغال في شركه نص نص و مرتبك علي قدك مش عارف تعمل فيه حاجه هتحس انك نص عمرك ضاع و انت مش عايز النص التاني يضيع
ده الشكل العام لكن بالنسبه لأحساسي فهو اني فيا حاجه غلط اه و الله اصل الناس حواليا عيال صغيره 24 سنه بتتجوز و حياتها بتتحسن و انا زي ما انا لا تقدم في الحاله العائليه و لا العمليه و لا الوظيفيه بل بقي في تأخر في الحاله الوظيفيه ده
انا حاسس انا بقي امر معترف بيه انا الأب بيجوز ابنه و هو صغير و يجبله شقته و كل حاجه كل اللي معايا في الشغل كده حالهم كده و كله يقولك ابويا اتفق مع الناس و قالهم انا متكفل بكل حاجه و الولد مش فارقه معاه هو ايه هيزعله موضوع العصاميه و اجيب بدراعي و الكلام ده كله راح و مبقاش موجود
احساسي بالضياع بيمتد لأبعد من ذلك انا كرهت بكره اللي شبه النهارده لأني مش حابب حياتي و عارف انها ماشيه علي نفس الشكل كل يوم زي اللي قبله
بقي بكره ملهوش لازهه و مفيهوش امل
ايه يعني اللي متوقعه اتجوز في خلال سنتين او ثلاثه الاقي وظيفه احسن برضه انا متأخر و مش كسبان الحاجه لاما متجيش في وقتها ميبيقاش ليها طعم و لا ليها فرحه صدقوني بتحس انها تحصيل حاصل
في بعض الاحيان بيبقي جزء من فرحتك بترقيه او بعروسه او بشغلانه انها تيجي في وقتها او قبل وقتها علشان تحس بنفسك وسط تعجب الناس و انبهارهم بحدوثها لكن لما تيجي متأخره هتلاقي كله يقولك امم عادي ما متوقعه دي المفروض كان حصل من زمان
جوايا كلام كتير عايز اقوله و كذا مره حاولت اجي اكتب بس كنت بهرب
اللي خلاني اكتب هو اني قررت ان المكان ده يبقي زي مدونه تاريخيه لحياتي علشان لو نسيت في يوم من الايام اي اللي حصل او ازاي كان شعوري في فتره من فترات حياتي ارجع و اشوف
انا حاسس اني بقيت 50 او 60 سنه خلاص و لم اتأقلم مع بلوغي سن الثلاثين
السنه عدت بسرعه و الايام عماله تجري و حياتي من سيئ لأسوء
نفسي اسيب مصر نفسي اعيش في بلد تاني كفايه ضياع عمر في البلد دي
نفسي اعيش في اوروبا زي walad shab بتاع egyptoz رغم انه في حاجات كتير بيني و بينه مشتركه لدرجه اني ساعات بحس انه انا و اعتقد ان فرق السن بينه و بينه سنتين مثلا هو كمان عدا ال 30 هو كمان مكتئب بس هو راح عاش في بلد نظيف وسط ناس نظيفه
ان شاء الله بقيه عمره اللي جاي هيكون احسن في مكان يشعر فيه اني بني ادم
في مكان محدش بيتريق عليه علشان مش متجوز و لا معندهوش عيال و لا مش شغال في شركه محترمه و لا معندهوش عربيه
في مكان يقدر يعمل فيه اصحاب في اي عمر و اي وقت مش يبقي في عزله زي اللي انا فيها انا مش لاقي حد مش لاقي صحاب
اللي معايا في الشغل يا اما اصغر مني بكثير يا اما اكبر مني بكتير و صحابي كلهم يا مسافرين يا مش عايزين يخرجوا من غير زوجاتهم و بالتالي مينفعش يخرجوا معايا لأني اعزب
كفايه اقرف اللي بيقرا اكتر من كده
و اه يـــــــــــــــــــــــا افـــــــــــــــــــه

كلاكيت ثالث مره ( Deja Vu )

و كالعاده من اكثر من 5 سنين بالنسبة لحياتي و 3 سنين بالنسبه للبلوج تيجي نهاية السنة القديمه و يدايه السنه الجديده و يبقي الحال علي ما هو عليه لا تطور و لا تقدم و لا تخطيط و لا قدرة علي التخطيط لأسباب خارجه عن ارادتي و لكن تبقي المراره و الحسرة لنبدء بها العام الجديد مع توقع ان ينتهي مثل الاعوام اللي قبله
و لكن للأمانه في 2011 الوضع اصبح اسوء و المصائب اصبحت اكثر و الأمل اصبح منعدم
سنة انتهت بفشل كبير في العمل يعني بقيت فاشل في الحياة الاجتماعيه و العملية الله اكبر و برضه سبب الفشل ده مش انا سببة ظروف و ناس تانيه و قررت الناس دي تحميله لي لينسب لي ابد الدهر
الغريبه اني لما عملت البلوج مكنتش متوقع كده كنت متوقع انه الدنيا هتتغير و ساعتها هخلي البلوج دعوه للتفاؤل و تجديد الأمل
لكن يبدو ان البلوج كان حاسس انه فقري و مش هيتغير حاجه بالعكس اللي هيحصل اني هرجع لورا مش هثبت مكاني علي الأقل
كل عام و انتم بخير ده لو في حد بيقرا الكلام ده
يا رب ما حد فيكم يبقي قفا و لا يحصله اللي حصلي و لا يوصل لحالة الاكتئاب و الألم اللي عندي
و اةةةةةةةةةةةةةةةة يـــــــــــــــــــــــــــــــــا افــــــــــــــه

The Time Of Our Lives

 

, We all wait for this time when we realize our dreams

When we feel that we had achieved something
when at last our life plans work and get us what we wanted to have
it is a great victory even it is small but anyone of us will feel proud of anything he

planned and achieved

it is what give us hope that oneday in the future all our dreams will come true when

it is the time

The Time Of Our Lives

i am waiting this time hope that it is not so far

وحيدا

في هذا العيد احسست بالوحده لأني لم اجد احد لأٌمضي معه بعد الوقت
الأقارب في اول يوم و باقي الاجازه في المنزل
وحيدا اشكو من الوحده
افرأ عن حروب الرده
و يصيح غيري و يقول انتبه انها هجمه مرتده
و اخر ينصح قائلا يكفي الشخص ورعه و زهده
و لكن الحال يا سيدي حلما قتل في مهده
سيفا ترك في غمده حتي نزف الغمد صدأه
رمحا اخطأ هدفه و اصاب صاحبه في زنده
درعا لم يحمي صاحبه و فأصبح يرقد في لحده
رجالا شاخ قبل ان ينبت في بستانه ورده
و هييييييييييييييييه بس خلاص ( علي رأي شعبان عبد الرحيم)

Quarter Life Crisis

فاضل اربع ايام علي ال 30 و الاكتئاب 100 % و عالي

في خلال الفتره اللي فاتت لقيت شويه ناس علي النت متعقدع برضه من موضوع عمر الثلاثين و كله حاسس بنفس احساسي ان عمره راح اونطه من غير اي انجازات زي اللي عملها زمايله لحد من ساعه لما لقيت موضوع عن Quarter Life Crisis

الموضوع بأختصار اني طلعت بعاني من ازمه ربع العمر و علشان مكلمش كتير اللي عايز يعرف يدور علي النت

الموضوع طلع اصعب مما كنت اتصور طلع اني مريض نفسي

اه يا افه