فاضل واحد و عشرين يوم علي ال 30
21 ده الرقم للي بيمثل بداية العشرينات احلي ايام العمر
ال 5 ايام اللي قاتوا حسيت اد ايه عمري اترب و بيتسرب من بين ايدي
عيشة زفت لا جديد فيها كل يوم زي اللي قبله عمرك بيتسر منك و يجري من غير ما تستمع بيه
تسألني ازاي تستمتع بيه اقولك معرفش بس في ناس بتستمتع بعمرها بتعيشه زي ما بيقولوا Live it to the full
عرمي ضاع و حسيت اني وقتي انتهي اه و الله حاسس ان الوقت انتهي و خلص مني من غير ما احقق اي حاجه و لا استمع بأي حاجه
مكنتش الشاب اللي مقضيها خروج و فسح و مسخره مع البنات
و لا كنت الشاب اللي مقضيها سفر و رحلات
و لا كنت الشاب اللي اتجوز و عمل اسره و عيله بقي شغله الشاغل
بقيت و لا حاجه
مكتئب مريض نفسيا و عندي 30 سنه
و حتي لو اتجوزت هتبقي عيشتي برضهممه شغل بيت شغل بيت و خلاص
و يعدي ال 30 سنه اللي فاضلين كمان علي كده
ايه اقرف ده لو الياه هتفضل كده يبقي كفايه كده
فين المتعه في الدنيا فين احساس الواحد انه عايش
قريت من كام يوم واحد بينحصالبنات بلاش يتجوزوا واحد ثلاثيني يعني عمره 30سنه و اكثر ) الشاب 21 سنه بيقولهم اتجوزوا الشاب اللي اخره 25 لكن ابو 30 لا ده هيبقي معقد و عنده سعار جنسي و هيبقي كل همه يطلع حرمانه فيكي و هيبقي عجوز ميعرفش يضحك و لا يهزر و لا يدلعك و لا يحسسك بحياتك
و هتكون حياتك معاه كئيبه
دي نظره المجتمع للشخص اللي في سني
عمره خلص وقته انتهي دلوقت هو منتهي الصلاحيه بيعمل حاجه وقتها عدا اللي هو الجواز
هتقولوا ما في ناس بتتجوز في السن ده ايوه البنت بتقبل راجل في السن ده علشان ده اللي لقته مش علشان ده اللي بتتمناه
قال يعني الشاب الصغير مش هايج و عايز ينام مع كل بنت حلوه يشوفها قال يعنيالشاب الصغير مش هينام مع مراته كتير لحد ما تبقي هتموت
مره واحد صاحبي قالي لما توصل 30 لن تستمتع بمراتك هتبقي خلاص مع السلامه بح
هو في ايه دول شويه سنين زياده شكلي متغيرش قوي ليه الاحساس ده
لسه احساس الضياع له احساس الكاّبه
ارحمونا بقي كفايه الضغط النفسي اللي احنا عايشين فيه اصلا
الناس تقولك انت كده عنست
و راحت عليك
و بقيت كبير
كفايه و الله حرام مش كفايه اللي بنشوفه
انت تعبت
امبارح الساعه جت 12 قبل ما الحق اعمل بوستفعدي من غير مكتبالنهارد فاضل 26 يوم و فكرني لما كان عندي 26 سنه اخر سنه كنت حاسس فيها اني بني ادم نضيفمكنتش بعمل شات مع بنات و كنت بحفظ قرأن و بصلي في الجامع كان لسه عندي امل في الدنيا و ثقتي كبيره اوي اني هحقق احلاميكان لساني مش طويل زي دلوقت و كنت مؤدب جدابعد كده اتحولتمعرفش منايه اكتئاب ممكن , فقدان امل ممكن , تغيير ممكن الاسباب كتيربس اكثر حاجه كرهتها هو موضو ع الشات ادمنته بعد ما كنت مش بحبه و مش مقتنع بيهرميت نفسي في بح رالشات بقوه بحثا عن المرأه علشان ادخلها في حياتي بالعافيهساعات كتير كنت بحاول اسيبه لكن برجع تاني و اعنف من الاول بقي عامل زي الادمانكنت بقضي وقته قبله في العلم و الحاجات المفيده كنت بتعلم جديدبس زهقت و لقيت نفسي واحده واحده بدخل فيه لحد ما غرقتسنتين و نص دلوقت ادمان شات كنت بقرأ كتير جدا دلوقت بقي نادر لما بقرأنفسي ارجع زي زماننفسي اعمل بلوج جديد يبقي مفيد غير دهاكتب فيه reviews عن اللي بقراه و عن اللي بتعلمه و عن اللي بشوفهنفسي ارجع اتعلم زي زماننفسي ابطل شات و ارجع اقرب من ربنانفسي ارجع انسان افضللأني بقيت انسان اسوءالشات ده ضيعني و ضيع وقتي كنت بحاول اعوض بيه عدم موجود بنت في حياتي لكن للأٍف طلع كراب بقيعه يحسبه الظمأن ماءتحس ان الواحده علي النت زي العاهرهمليون واحد كلموها و شافوها و شافو صورهابنت صايعه مش بريئهالواحد كان برئ و اتعلم منهم يعني ايه وساخه اه و اللهبنات صايعه و لئيمه و دايره و الواحد كامن غلبانرغم ان يكرهت الشات بس الواحد اتعلم منهيعني ايه وساخه و ازي يشم ريحتهااتمني اسيبه و ارجع بني ادم طبيعيو استخدمه ي حاجه مفيدهمش ضياع وقتاتمني ابقي بني ادم افضلو احقق احلامي اللي فشلت في تحقيقها قبل ما ابقي 30 سنهيا رب ساعدني يا رب ارزقني يا رب اديني القوهاه يا افه
فاضل 28 يوم زي سني تقريبا لما بدءت المدونه دي و كنت ساعتها زعلان علي ضياع الخطه الخمسيه الاولي يعني ضياع اول 5 سنين من التخرج بدون اي اتقدم للأمام او حدوث اي شئ السنه دي برضه كان فيها معظم خطوبات اصدقائي و كان فيها بدايه الاكتئاب اللي ملازمني من ساعتها لحد دلوقت و مش عارف اتخلص منه يا خساره علي الزمن اللي راح اللي خلاني فكرت في المدونه دي هي مدونه يا اخي احه بتاعه ابو الليل و اللي توقف عن الكتابه و كمان مدونه egyptoz اللي مش عارفل ايه حكايه صاحبها ليه مليون شخصيه و مليون حكايه و لكنه يشترك معي في اعتبار سن الثرثين هو نهايه سن الشباب و اللعب و الهيصه غير كده شويه يوقل انا مهندس شويه يقول انا راقص باليه شويه يقول كنت في الجامعه سنه 2005 و شويه يقول عندي 32 سنهالمهم من بكره اعتقد اني هكتب كلام مفيد مش مجرد عدد و خلاصتكون حاجه مفيده اختم بيها حلي سنين العمرو اه يا افه
فاضل 29 يوم علي ال 30 مش عارف اقول ايه اعتقد في الايام القادمه هبدء اتلكم عن مواضفات الشاب الثلاثيني في عيون الناس و مواضفاته في عيون نفسه احلي ايام عمري بتخلصشبابي بيخلصالعشرينات اتسربت من ايدي و اديني داخل علي العجز خلاصمن غير ما احقق اي حاجه و لا افرح بأي حاجهشبابي خلص و راح اونطهاه يا افه
فاضل 30 يوم و ابقي 30 سنه و مش قادر اقو لحاجه اخر شهر في العشريناتو اه يا افه
مش عارف ابتدي ازاي الموقف عندنا 3 شباب هيتجوزوا الشهر ده اعمارهم كالتالي 28 و 27و 23اللي فقعني فيهم اللي عمره 23ايوه فقعني ما انا لما الاقي عيل دفعه 2010 متعين معانا من 3 او 4 شهور و هيتجوزر خلاص و انا عندي 30 سنه و حتي مش عارف اجيب شقه اي كلام علشان اعرف اتجوز يبقي لازم اتفقع 7 سنين فرق بينا يا جدعان عشتهم انا علي الفاضي هو علشان بابا ظبطه و جابله الشقه و جابله الوظيفه كمان يبقي عمره ميضعشانا عمري يضيع علشان ابويا لا عرف يلاقي ليا وظيفه و لا يقدر يجوزنيتخيل لو انا كمان كنت جاهز و اتقدمت انا و الواد ده لنفس العروسه تعتقدوا هيختاروا مين اكيد هو شاب جاهز و ضعير احسن من الجاز و كبير اصل الكبير هيبقي معقد و هيبقي عطشان اوي للجواز من سنين الحرمان و كمان ليه تتجوزي العجوز ما تتجوزي الصغير اتلعبوا مع بعض و تعيشوا شبابكوا اللي عدا ال 30 ده راحت عليه ( تخيل للي هيحصل)و الله انا لما كنت قده كنت عايش في سنين البطاله و حتي لما اشتغلت معرفتش اتجوز هو ليه الدنيا كده بتدي واحد حاجات كتير و تحطه قدام المحروم ينغص عليه عيشته و يفكره بخيبته و قله حيلتهطيب ما تديله في مكان تاني مش نفس المكان اللي بشوفه فيه كل يوم و افتكر خيبتي فيه هو انا ذنبي ايه اني مش لاقي حد يساعدني زي ما هو لاقي ابوه يعمله كل حاجه هو ليه كل ابوه ساعده و ليه هيكون عيبي اني تأخرت لأن مفيش حد ساعدني و لا اداني حاجهانا مخترتش ابويا و هو مخترش ابوهلكن هو حظه بقي 100 100 و انا حظي زفتطيب اعمل ايه و الله انا تعبت من اسئله الناس الكتير و من نفسي لما بشوف العيال بيتجوزا و يبقي اباء و عندهم اسرو انا زي ما انا اللي بيحثل ان عمري بيزيد بسفين العدل في كده ما هو علشان يكون في عدل لازم يكون عندي حاجات مش عنده و دده مش حقيقي هو كمان عنده حاجات مش عنديده مش حقد لكن متقوليش ان الواحد يلاقي نفسه في الحاله دي و يلاقي واحد اصغرمنه ب 7 سنين بيتجوز و يبقي سعيد و فرحانو الابتسامه و البهجه ملياهطيب مين هيعوضني عن عمري اللي راح طيب ليه اتجوز واحده انا و هي منبقاش عارفين نعمل حاجه في حياتنا الا لما الناس يقولوا دو لاتهبلوا و لا ايه دول كبارعلي كدهطيب ليه عيالي يبقوا بيحسوا اني جدهم مش ابوهمطيب ليه ابقي شايل ابني علي كتفي و ابن زميلي يكون في اعدايطيب ليه ابقي دايما الاخير و افضل في مقاعد المتفرجين لحد ما يبقي مفيش حد بيتفرج غيريطيب ليه انا عايش اساسا ما الموت احسن علي الاقل مش هتتمني حاجه و انت ميت و مفيش حاجه هتحصل قدامك تنغص عليك حياتكعيل عنده 23 يا دوب مخلص كله من كام شهر و متعين من كام شهر يتجوز و انا قاعد بتفرج و اتحصر علي خيبتياقول ايه مش فاهمها ولا عارف ليها قاعده الرزق ده ماشي ازاي و النصيب ده ماشي ازاي طيب في العدل في اللي بيحصلايه اللي انا كسبته هو مكسبهوش اني اتحسرت اني احبطت اني قرفت و زهقتهو ده بيتحسب من المزايا ايه طبعا لأنه عندي و مش عندهكفايه كده
س:من هي دينا؟هي بنت كانت معايا في نفس الدفعه مكنش في بيني و بينها اي كلام و لا علاقه و لا معرفه و لا اي حاجه الا موقف حصل مره كانت هي و صاحبتها استغلوا و جودي انا و زملائي في الصلاه اثناء فتره الراحه بين المحاضرات و المحاضره كانت زاحمه فشالوا البلوك نوتز بتاعتنا و قعدوا في المكان بتاعنا :)س: طيب و افتكرتها ليه ؟كنت بقلب في الفيس بوك و لقيتها عند واحد من دفعتي لقيتها اتجوزت من كام شهر و بقت زي القمر س: هي كانت وحشه ؟لا بس كمان مكنتش حلوه كدهس: طيب مش فاهمك ايه مشكلتك انت؟فكرتني بأيام زمان و قد ايه انا عجزت 7 سنين عدوا من غير ما اشوفها فجأه حسيت انها بتمثل كل ما كنت احلم بيه كل حاجه حلوهفكرتني ازاي كاروا السبع سنين دول 2 في البيت و 5 شغل من غير تحقيق اي احلام فكرتني بأيام الدراسه اللي كنت بتمن اخلصها بأي شكلحسيت قد ايه انها كانت غاليه و انها كانت زهره العمر علي رأي توفيق الحكيم راحت مني بسرعه كده5 + 7 = 12 سنه ضاعوا 5 من احلي ايام العمر و 7 ضاعوا بعيد عن الناس الحلوه عن الزملاء و الصحاب اللي اختفوا و اللي اتشغلوا و اللي مبقوش فاكرين حد افتكرت لما كانت بتيجي بعربيتها السكودا الفيليشيا البضا و تركنها و معاها صاحبتها الطويله رانيا افتكرت شعرها الناعم اللي لسه زي ما هو افتركت احساسي للحظات اول ما اشوفها ان هي مستواها المادي مرتفع ( موضوع المستوي المادي ده هنتكلم فيها بتوسع عن المستوي المادي لجيلي و الجيل اللي بعدي) و بعدين شوفت جوزها معاها في الصوره شاب عادي لا حلو و لا وحش و هي بقت شكل تاني بعد الجواز س: شكلك بتحبها؟لا و عمري فكرت فيها بس زي ما قولت هي فكرتني بأيام حلوه قضتها تشبه قصه الايام دي هي خرجت من الايام دي للمرحله الثانيه مرحله الزوجه و الام علشان متندمش علي الفات و متقولش كانت احلي ايام و غيرها كثير من صحابي ولاد و بنات عملوا كدهلكن انا لم شوفتها اتحسرت علي الايام دي و اتحسرت علي حالي ايامها مكنتش بتحس بالفراغ و مش بتحس انك وحيدو مش بتحس بالزهق مكنتش بتحس انك بتكبر و عمرك بيجري مكنتش بتفتكر بكأبه عمر ال 30 و حلاوه يام العشرين ايوه دخلت انا في الكأبه فاضل اقل من 45 يوم و اكون 30 سنه و اودع احلي ايام العمرو الله عمري اتسرق و الله العظيم ال 12 سنه دول اتسرقوا من حياتي اول ما شفتها حسيت بكأبه غير طبيعيه معرفش ليهفكرتني بأيام كانت مره بس حلوه قعدت اتفرج علي ال wall بتاعها لحد ايوم اللي عملت فيها اللأكونت علي الفيس بوكسنه 2007 تقريبا في الوقت اللي انا عملته فيه مش عارف ايه اللي خلاني اعمل كده مش عارف ايه اللي خلاني اكتئب كده لما اشوفهامش عارف لو رجعت تاني ايام الكليه كنت هعمل ايه كنت هكلمها اكيد لا مكنتش بتمثل ليا اي حاجه و لا فكرت فيها لحظه بس دلوقت الموضوع مختلفهي اصبحت بتمثل الحلم الضائع الحلم الحلو الجميل اللي متعرفش مقدار حلاوته الا لما ميحصلش الا لما توصل 30 سنه و ما ميتحققش تشوف اد ايه جميل اد ايه كان هيسعدك و كل ما يبعد تشوفه احلي و اجملكم افتقد ايام المحاضرات و ايام السهر كم افتقد شكل المدرج و شكل غرفه السكشن كم افتقد غلاسه المعيدين و الدكاتره كم افتقد ضحكات الصبايا و الصبيان ايوه كنا صبايا و صبيان دلوقت اصبحنا رجال و كثيرا منهم اصبح اباء و امهاتالعمر جري و اللي عدا بعد الدراسه( 7 سنين) اكثر من اللي قضيته فيه(ا 5 سنين) و رغم ذلك مازالت احس بالحنين لهذه الايام اللي جوايا مش عارف اترجمه لكلام مشاعر متناقضه او احاسيس غريبه لكن في الاخر كلها احاسيس حزينهنصيحه لكل واحد في الكليه استمتع بكل دقيقه بكل ثانيه فيها دي احلي ايام دي زهره عمرك هتبكي عليها بقيه عمرك من الاخر رغم انها نسبتها ممكن متزدش عن 10 % من السنين اللي هتعيشها لحد ما يجيلك الموت لكن دي احلي ايام و الله احلي اياماحلي ايام العمرو اهــــــــــــــــــــــــــــــــــــــــــــــه يا افه
